كيك بريوشي محشي قرفة و زبدة بنة و و خفة مع البرد هاذا واش يليق لأم وليد

نخلط كأس الا ربع حليب دافئ+ 2 مغارف كبار سكر+ مغرف كبيرة خميرة الخبز+ ربع كأس زيت نخلط و نبدا نزيد الفرينة حتى نتحصل على عجينة طرية ندلكها حوالي 2د مبعد نرشها بشوية فرينة و نغطيها ونخليها تخمر حوالي 45د، في نفس الوقت نوجد الحشو في طبسي نخلط 2 مغارف كبار سكر عادي+ مغرف كبيرة زبدة طرية+ نصف مغرف كبيرة قرفة و نخلط حتى ينساجمو مبعد كي تخمر العجينة نرش طاولة العمل بالفرينة و نحلها بشكل مستطيل تكون شوية رقيقة و حجمها يكون ضعف المول انتاعك و ندهنها كاملة بالحشو مبعد نرولي الجهة اليمنى الى الوسط مبعد نزيد نرولي الجهة اليسرى الى الوسط مبعد نقسمو على اثنان و نحط الجزء الاول في المول خاص بالكيك مدهون بالزبدة و اذا كان يلصق من الاحسن تحطي فيه ورق الطهي مبعد دزيدي تحطي فوق الجزء الاول الجزء الثاني و تغطيه و تخليه يخمر حوالي 30د او اکثر مبعد تدهنيه بالحليب و دخليه الفرن سخون على درجة 180* كي يطيب و يتحمر تخرجيه.


 

أحدث أقدم