دائما مع الافكار البسيطة، راكي حاصلة واش طيبي، وصفة أكثر من رائعة و لأم وليد

 في قدرة نحط شوية زيت و نقلي حبة بصلة كبيرة مقطعة اطراف صغيرة كي تذبال نزيد كمية انتاع لحم مفروم نقليهم مع بعض نزيد حبة جزر مقطعة شرائح+ حبة بطاطا مقطعة مربعات+ حبة طماطم مقطعة اطراف و نقليهم مليح و نزيد الملح فلفل اسود و معدنوس و نزيد نقليهم حتى يطيبو نصف طياب و نمرق بماء سخون غير شوية قيس ما تتغطى الخضرة نغطيها و نخليها طيب فوق نار متوسطة حتى يطيب كلش و تخثار تماما لصوص و نطفي و نفرغهم في مول فردية او مول واحد، مبعد في كاسرونة نوجد صوص بيشامال نخلط مغرف كبيرة زبدة مع مغرف كبيرة فرينة نحمصها مليح مبعد نزيد تدريجيا حوالي كأس و نصف حليب مع الخلط في كل مرة مبعد نزيد جبن المثلثات نخلط حتى يذوب نزيد فلفل اسود و ملح نخلط مع الغلية الاولى نطفي و نفرغها في المول و نزيد جبن مبشور و ندخلهم الفرن سخون غير يتجمرو و يحمارو نخرجهم.



أحدث أقدم