ميني كيك

 ميني كيك أو الكيكات الكورية، بأيادي جزائرية 

نبدا نفصل 5 بياض بيض عن الصفار نزيد مع البياض قرصة ملح و نطلعهم بالباتور حتى تولي ثلج و نزيد مغرف صغيرة فانيليا و نصف كأس سكر عادي تدريجيا و نخلط بالباتور و نزيد 5 صفار بيض نخلط بالباتور و مبعد نزيد نصف كأس زيت تدريجيا مع الخلط ايضا بالباتو و نزيد كأس فرينة مغربل و نخلط غير بالشوية حتى ينساجمو و نفرغوا في مول فيه ورق الطهي و مدهون بالزيت نسقمو و ندخلوا الفرن سخون على درجة 180* كي يطيب نحيه نخليه يبرد و نطبع دوائر مبعد نحكم الدائرة الاولى نحط فوقها طبقة كريمة الشونتيي (كأس بودرة الشونتيي مع كأس الا ربع حليب بارد طلعيهم بالباتور) نزيد فوقها كرامال و نحط فوقها دائرة ثانية و نزيد طبقة شونتيي و الكرامال و نحط فوقها دائرة ثالثة و نغطيها كاملة بالشونتيي و نزينها بكرامال نخليه يسيل على الجوانب و نزيد نشكل وردات، الكيكة الثانية نتبع نفس المراحل فقط نبدل الكرامال بشوكولا الغناش (100غ شوكولا تذوبيها مع نصف كأس كرام فراش او علبة ياغورت طبيعي) نحطها بين الطبقات و على الوجه و الجوانب ايضا و نخلطها مع الشونتيي و نشكل وردات و الكيكة الثالثة نزين الجوانب بجوز الهند محمص او مكسرات و يبقى التزين اختياري.


 

أحدث أقدم